ABŞ-də aparılan yeni elmi araşdırma alkoqol istifadəsi ilə xərçəngdən ölüm halları arasında ciddi əlaqə olduğunu ortaya qoyub.

Far.Az xəbər verir ki, araşdırmanı Silvestr Kompleks Xərçəng Mərkəzinin alimləri aparıb. Tədqiqatın nəticələri "The Lancet Regional Health - Americas" jurnalında dərc olunub.

Alimlər 1990-2023-cü illər ərzində ABŞ-də alkoqolla əlaqəli onkoloji xəstəliklərdən ölüm statistikasını təhlil ediblər. Məlum olub ki, 33 il ərzində bu səbəbdən qeydə alınan illik ölüm sayı 11 361-dən 23 126-ya yüksəlib. Bu isə ölüm hallarının təxminən iki dəfə artması deməkdir.

Araşdırmanın ən diqqətçəkən nəticələrindən biri gənc yaş qrupları ilə bağlı olub. 20-54 yaş aralığında olan kişilər arasında alkoqolla əlaqəli xərçəngdən ölümün əsas səbəbi bağırsaq xərçəngi olduğu halda, qadınlarda ilk sırada süd vəzi xərçəngi qərarlaşıb.

Mütəxəssislər bildirirlər ki, alkoqolun qaraciyər xərçəngi ilə əlaqəsi geniş şəkildə bilinsə də, onun bağırsaq, süd vəzi, qida borusu və mədəaltı vəzi xərçənglərinin yaranmasındakı rolu barədə ictimai məlumatlılıq hələ də aşağıdır.

Tədqiqatın aparıcı müəllifi, hematologiya və onkologiya üzrə mütəxəssis Çinmay Jani alkoqolun müxtəlif xərçəng növlərinə təsirinin genişliyinin araşdırmanın ən təəccübləndirici nəticələrindən biri olduğunu vurğulayıb.

Oxşar xəbərlər

Polis Günündə də post başında – Bakının küçələrindən diqqətçəkən FOTOLAR

Heydər Əliyev Fondunun dəstəyi ilə alınan musiqi alətlərinin təqdimatı olub

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

İlham Əliyev Lənkəran Dövlət Peşə Təhsil Mərkəzinin açılışında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2