Bakıda üç tibb müəssisəsinin əsaslı təmiri üçün ümumilikdə 1 milyon 269 min manat vəsait nəzərdə tutulub.

BAKU.WS-in məlumatına görə, İnnovasiya və Təchizat Mərkəzi tərəfindən 5 nömrəli Uşaq Poliklinikası, 4 nömrəli Birləşmiş Şəhər Poliklinikası və 5 nömrəli Şəhər Poliklinikasında təmir işlərinin aparılması nəzərdə tutulub.

Təmir işləri çərçivəsində poliklinikalarda köhnəlmiş və yararsız suvaq, döşəmə, parket və gipskarton tavan örtüklərinin sökülməsi, divar və səthlərin köhnə boya qatından təmizlənməsi nəzərdə tutulur. Daha sonra bu sahələrdə yenilənmə və təmir işlərinin aparılması planlaşdırılır.

Qeyd edək ki, təmir işləri poliklinikaların köhnəlmiş sahələrinin yenilənməsinə, həkimlər üçün daha əlverişli iş şəraitinin və pasiyentlər üçün daha rahat, təmiz və müasir mühitin yaradılmasına imkan verəcək. Xüsusilə uşaq poliklinikasının yenilənməsi burada tibbi xidmət alan uşaqlar və onların valideynləri üçün daha yaxşı şəraitin formalaşmasına kömək edə bilər.

Oxşar xəbərlər

Payız-qış mövsümü ilə bağlı qrip əleyhinə vaksinasiyaya başlanılıb

Monreal Protokolu ilə müəyyən olunmuş tənzimlənən ozondağıdıcı maddələrin siyahısı yenilənib

Alim: Füzulinin qəbrini Azərbaycana gətirsək, ruhu narahat olar - MÜSAHİBƏ

"Oracle Advisory Group" parlament seçkilərində "exit poll"un nəticələrini açıqlayıb

SWG SPA təşkilatı Azərbaycan Milli Məclisinə keçirilən seçkilərin "exit-poll" nəticələrini açıqlayıb