ABŞ-nin Kaliforniya ştatında, Fresno Yosemite Beynəlxalq Hava Limanı yaxınlığında kiçik təyyarənin qəzaya uğraması nəticəsində iki uşaq həlak olub, iki yetkin şəxs isə ağır xəsarət alıb.

Bu barədə "Far.Az" "The New York Post"a (NYP) istinadən xəbər verir.

Göyərtəsində dörd nəfərin olduğu təyyarə sentyabrın 5-i yerli vaxtla saat 13:50 radələrində (Bakı vaxtı ilə bazar günü saat 00:50-də) San-Xoakin çayı kənarında qəzaya uğrayıb. Xilasedicilər hava gəmisinin qalıqlarını çay kənarındakı sıldırım qayada aşkarlayıblar.

İki yetkin şəxs kritik vəziyyətdə xəstəxanaya çatdırılıb. Həlak olan uşaqların şəxsiyyəti və dəqiq yaşı hələlik müəyyən edilməyib.

Qəzanın səbəblərini ABŞ-nin Federal Mülki Aviasiya İdarəsi və Milli Nəqliyyat Təhlükəsizliyi Şurası araşdırır.

Oxşar xəbərlər

Prezident İlham Əliyev Milli Aviasiya Akademiyasında Beynəlxalq Təlim Mərkəzinin açılışında iştirak edib

Gələcəyə ümidlə baxan uşaqların sağlamlıq arzusu burada gerçəkləşə bilər

Leyla Əliyeva, Arzu Əliyeva və Alyona Əliyeva "Təmiz Dünya" sığınacağındakı uşaqların bayram sevincinə şərik olublar

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib