Türkiyə, Gürcüstan və İraqdan gələn azərbaycanlı din xadimləri Ağdam Cümə məscidini ziyarət ediblər.

"Report"un Ağdama ezam olunan əməkdaşı xəbər verir ki, qonaqlar Cümə məscidinin tarixi haqqında məlumatlandırılıblar.

İşğal dönəmində Qarabağdakı digər dini məkanlar kimi buranın da ermənilər tərəfindən dağıdıldığı, hətta məbəddə donuz saxlanıldığı qonaqların diqqətinə çatdırılıb. İşğaldan sonra məscidin əsaslı təmir edilərək əvvəlki vəziyyətinə qaytarıldığı və burada ibadət üçün hər bir şəraitin yaradıldığı bildirilib. Həmçinin onlara məscidin işğal dövründəki və son görüntüsünü əks etdirən fotoşəkillər təqdim olunub.

Ağdam Cümə məscidində namaz qılınması ilə qonaqların Qarabağa səfəri başa çatıb.

10:56

Türkiyə, Gürcüstan və İraqda fəaliyyət göstərən azərbaycanlı din xadimləri Ağdama səfərləri başlayıb.

"Report"un Ağdama ezam olunan əməkdaşı xəbər verir ki, qonaqlar səfər çərçivəsində ilk olaraq Şəhidlər xiyabanını ziyarət ediblər.

Onlara Qarabağda münaqişənin başladığı ilk günlərdən Ağdamda cərəyan edən hadisələr barədə geniş məlumat verilib. Qeyd edilib ki, işğal dövründə rayondakı tarixi-dini abidələr, qəbiristanlıqlar da erməni vandalıziminə məruz qalıb.

Qonaqlar burada məlumat aldıqları hadisələri dünya tarixinin ən dəhşətli faktlarından biri kimi dəyərləndiriblər.

Oxşar xəbərlər

Türkiyə, Gürcüstan və İraqın azərbaycanlı din xadimləri Bibiheybət məscidini ziyarət edib

Din xadimləri Qarabağ və Şərqi Zəngəzurdakı tarixi-dini abidələri ziyarət ediblər

Türkiyə, Gürcüstan və İraqın azərbaycanlı din xadimləri Şuşada Vaqifin məqbərəsini ziyarət edib - YENİLƏNİB-5

Türkiyə, Gürcüstan və İraqda fəaliyyət göstərən azərbaycanlı din xadimləri vəhdət namazı qılıblar

Din xadimləri Xankəndidə Zəfər parkı və Zəfər meydanını ziyarət ediblər