"Mançester Yunayted" futbol üzrə İngiltərə Liqa Kubokunun 1/16 final mərhələsinin matçında evdə "Brayton"a 2:3 hesabı ilə məğlub olub və turnirdə çıxışını başa vurub.

"Report" xəbər verir ki, görüş "Old Trafford" stadionunda keçirilib.

"Mançester Yunayted" iki qol fərqi ilə öndə olub, qolları Şi Leysi (8-ci dəqiqə) və Meyson Maunt (10) vurublar. "Brayton"un heyətində isə Xaralambos Kostulas (45+1), Paskal Qross (65) və Maksim De Köyper (70) fərqləniblər.

1/16 final turnirin İngiltərə Premyer Liqası klublarının iştirak etdiyi ilk mərhələsidir.

Liqa Kuboku 1960-cı ildən keçirilir, burada İngiltərə çempionatının dörd yüksək divizionundan komandalar oynayır. Ötən yarışın final matçında "Mançester Siti" "Arsenal"ı 2:0 hesabı ilə məğlub edərək 9-cu dəfə trofeyi qazanıb. Titulların sayına görə rekordçu turnirdə 10 dəfə qalib gəlmiş "Liverpul"dur.

Oxşar xəbərlər

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Konfrans Liqası: "Neftçi" öndə olduğu matçda "Dinamo"ya uduzub - YENİLƏNİB-9

"Qarabağ" UEFA Konfrans Liqasında mübarizəni dayandırıb, 12 illik seriya qırılıb - YENİLƏNİB-8

İlham Əliyev Cəbrayılın Horovlu kəndinin birinci mərhələsinin açılışında iştirak edib

"Sabah" Azərbaycan Kubokunun 2025/2026 mövsümünün qalibi olub - YENİLƏNİB-6