İrlandiyanın Məlumatların Mühafizəsi Komissiyası (DPC) istifadəçilərin məkan məlumatlarının emalı zamanı yol verdiyi pozuntulara görə "Google"u 403 milyon avro cərimələyib.

Bu barədə "Far.Az" RTE telekanalına istinadən xəbər verir.

Məlumatların mühafizəsi qaydalarına əsasən, məkan haqqında məlumat qanuni, ədalətli və şəffaf şəkildə emal edilməlidir.

DPC-dən bildirilib ki, araşdırma zamanı "Google" tərəfindən yol verilmiş pozuntular aşkar edilib. Xüsusilə, istifadəçilər məkan məlumatlarının reklamların göstərilməsi və ya onların maraqlarının müəyyənləşdirilməsi də daxil olmaqla, müxtəlif məqsədlər üçün istifadə edildiyindən xəbərsiz ola bilərdilər. Bu isə onların şəxsi məlumatlarına nəzarət imkanlarını məhdudlaşdıra bilərdi.

Araşdırma, DPC tərəfindən 2020-ci ilin fevralında, bir neçə Avropa istehlakçı hüquqlarının müdafiəsi təşkilatından müəyyən xidmətlər və məhsullarla əlaqədar "Google" şirkətinin məkan məlumatlarını emal etməsinə dair şikayətlər daxil olduqdan sonra başladılıb.

Komissiya ümumilikdə 403 milyon avro məbləğində cərimə tətbiq edib və "Google"a məlumatların emalı sistemini altı ay ərzində tələblərə uyğunlaşdırmağı tapşırıb.

Oxşar xəbərlər

44 günlük Vətən müharibəsi: Azərbaycanın ərazi bütövlüyünün bərpasına gedən yol

Vətən müharibəsinin başlamasından 4 il ötür

Prezident Davosda "Avrasiyanın iqtisadi özünəməxsusluğunun müəyyənləşdirilməsi" mövzusunda panel iclasında iştirak edib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

İlham Əliyev İmişlidə "Promalt" MMC-nin arpa emalı müəssisəsinin açılışını edib