Səbail rayonunun Əhəd Yaqubov küçəsi, 17 ünvanında yerləşən "Ulubəy" MTK yaşayış kompleksinin sakinləri bir sıra problemlərlə bağlı narazılıqlarını bildiriblər.

Far.Az Baku TV-yə istinadən xəbər verir ki, sakinlər binada su təminatı ilə bağlı ciddi problem yaşandığını deyiblər.

Onlar bildiriblər ki, su bəzən günlərlə verilmir. Sakinlər, həmçinin binanın havalandırma sisteminin işləmədiyini və bu səbəbdən ərazidə pis qoxunun yarandığını deyiblər.

Ərazidə fəaliyyət göstərən restoranla bağlı da narazılıq səsləndirilib. Sakinlər gecə saatlarınadək səs-küy olduğunu və restoranın müştərilərinin öz avtomobillərini həyətə park etdiyini bildiriblər.

"Mavi dəniz" restoranı var. Bütün gün ərzində səs-küy olur. Qonaqlar gəlir, yeyib-içirlər, özləri üçün şənlik keçirirlər, biz isə evdə narahat oluruq", - deyə şikayətçi, tanınmış aktyor Əlixan Rəcəbov narazılığını dilə gətirib.

MTK sahibi Məmməd İsmayılov səsləndirilən iddiaların bir qisminə münasibət bildirib. Onun sözlərinə görə, ərazidə uşaqlar üçün futbol və voleybol meydançaları, idman avadanlıqları və istirahət üçün yerlər yaradılıb.

M.İsmayılov, həmçinin Səbail rayonunda su təminatı ilə bağlı ümumi problem olduğunu bildirib və ərazidəki suyun keyfiyyətinin laboratoriyada yoxlanılması üçün aidiyyəti qurumlara müraciət etdiyini deyib.

Oxşar xəbərlər

İlham Əliyev Ağdamda 2-ci yaşayış kompleksinin açılışında iştirak edib

Həyatda yaxşı şeyləri niyə görmürük? - Tanınmış simaların FİKİRLƏRİ

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

İlham Əliyev Zəngilanda inşa olunmuş ilk yaşayış kompleksinin açılışında iştirak edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib