İran İslam İnqilabı Keşikçiləri Korpusunun (SEPAH) Hərbi Dəniz Qüvvələri Hörmüz boğazında ABŞ ordusuna məxsus ikinci sualtı pilotsuz qurğunun ələ keçirildiyini açıqlayıb.

BAKU.WS xəbər verir ki, bu barədə SEPAH HDQ-nin məlumatına istinadən "Tasnim" agentliyi məlumat yayıb.

Məlumata görə, İran hərbçiləri radioelektron mübarizə vasitələrindən istifadə etməklə həyata keçirilən əməliyyat zamanı casusluq məqsədilə fəaliyyət göstərdiyi iddia olunan sualtı pilotsuz qurğunu ələ keçiriblər.

SEPAH bildirib ki, aparat daha əvvəl ələ keçirilən "Remus 600" qurğusunun bir növüdür. Onun məlumatlarının bərpası üçün mütəxəssislərə təhvil verildiyi qeyd olunub.

Qeyd edək ki, İran sentyabrın əvvəlində də Hörmüz boğazında ABŞ-a məxsus sualtı pilotsuz qurğunu ələ keçirdiyini açıqlamışdı. ABŞ tərəfi isə həmin hadisədə qurğunun nasazlıq səbəbindən itirildiyini bildirmişdi. "Reuters" İranın iddialarını müstəqil şəkildə təsdiqləməyin mümkün olmadığını qeyd edib.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

Tullantı sutəmizləyici qurğunun tikinti ərazisinə mediatur təşkil olunub