Yerlan Nısanbayev: "Adekvat iqlim maliyyəsi olmadan emissiyaların azaldılması bəyannamə olaraq qalır" - EKSKLÜZİV
Bu gün qlobal iqlim probleminin həlli yolunda əsas məsələ iqlim maliyyələşdirilməsinin məqsəd və mexanizmlərinin müəyyən edilməsidir.
Bunu “Far.Az”a açıqlamasında Qazaxıstanın ekologiya və təbii sərvətlər naziri Yerlan Nısanbayev bildirib.
“Ümumi bir həll tapmalı olduğumuz əsas məsələ iqlimin maliyyələşdirilməsidir. Ciddi maliyyə dəstəyi olmasa, tullantıların azaldılması üzrə bütün tədbirlərimiz səmərəliliyini itirir”, - o qeyd edib.
Nazirin sözlərinə görə, bir çox inkişaf etməkdə olan ölkələr artıq emissiyaların azaldılması ilə bağlı öhdəliklər götürüblər, o cümlədən Qazaxıstan ötən il metan tullantılarını azaltmağı öhdəsinə götürüb: “Lakin maliyyələşmə məsələsində müəyyən irəliləyişlərə baxmayaraq, onun məbləği hələ də yetərli deyil”.
Nazir COP29 konfransının sonuna kimi bu məsələ ilə bağlı yekun qərarların qəbul olunacağına ümid etdiyini bildirib: “Çünki maliyyə mexanizmləri olmadan bütün vədlər yalnız kağız üzərində qalmaq riski ilə üzləşəcək. Bu, təməl daşıdır, onsuz dediyimiz və planlaşdırdığımız hər şey deklarativ xarakter daşıyır”.
Onun sözlərinə görə, iqlim dəyişikliyi problemi bir ölkə və ya region səviyyəsində həll oluna bilmədiyi üçün bütün ölkələrin birgə fəaliyyətini tələb edir.
“Bütün dövlətlərin fəaliyyətini sinxronlaşdırmaq lazımdır. Yalnız bu yolla istədiyimiz nəticəni əldə edə bilərik. Əks halda, parça-parça tədbirlər uğursuzluğa məhkumdur”, - o əlavə edib.
Y.Nısanbayev Azərbaycanın COP29-a ev sahibliyi etməyə hazırlığını da yüksək qiymətləndirərək, qısa müddətdə tədbirin ən yüksək səviyyədə təşkil olunduğunu qeyd edib.
Oxşar xəbərlər
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Bakıda COP29-un Liderlər Sammitinin açılış mərasimi keçirilib - YENİLƏNİB-2
VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3
Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2
XİN başçısı BMT BA-nın 79-cu sessiyasında çıxış edib - YENİLƏNİB
Ən son xəbərləri bizim
"Facebook" səhifəmizdə izləyin
Digər xəbərlər
-
Çexiya və ABŞ arasında qaz tədarükü ilə bağlı razılaşmanın yekun variantı razılaşdırılıb
-
ABŞ-də Gmail və Outlook poçt xidmətlərinin fəaliyyətində fasilələr yaranıb
-
Nvidia direktorlar şurası Censen Huangi baş direktor vəzifəsinə qaytarmaq niyyətində deyil
-
Rumıniyada güclü zəlzələ baş verib
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Rumıniyada güclü zəlzələ baş verib.













