Azərbaycanəsilli rusiyalı repçi Navai Bəkirov Qazaxıstanda narkotik vasitələrin qaçaqmalçılığında şübhəli bilinərək iki ay müddətinə həbs edilib.

Far.Az xəbər verir ki, bu barədə Qazaxıstanın Cambul vilayətinin Korday rayon məhkəməsinin qərar qəbul etdiyi bildirilir.

Məlumata görə, qətimkan tədbirinin seçilməsi ilə bağlı məhkəmə iclası bu gün səhər saatlarında keçirilib. Məhkəmə istintaq tərəfinin vəsatətini təmin edərək Bəkirovun ilkin istintaq müddətində iki ay həbsdə saxlanılmasına qərar verib.

Xatırladaq ki, hadisə Qazaxıstanın "Korday" nəzarət-buraxılış məntəqəsində baş verib. Avtomobilə baxış zamanı hüquq-mühafizə orqanlarının əməkdaşları qadağan olunmuş maddələr aşkar ediblər.

Bildirilir ki, yoxlama zamanı "Mercedes" markalı avtomobili Navai özü idarə edib. Bu səbəbdən sənətçinin narkotik sərxoşluğu vəziyyətində avtomobil idarə etməsi ilə bağlı əlavə məsuliyyətə cəlb olunması da gündəmdədir.

Navai ilə bağlı hadisə onun konsert proqramına da təsir edib. Məlumata əsasən, sənətçinin yaxın günlərdəki çıxışı ləğv edilib, Kişinyovda oktyabrın 16-na planlaşdırılan konsert isə dekabrın 9-na keçirilib.

Oxşar xəbərlər

Prezident İlham Əliyev Əfv Sərəncamı imzalayıb

Vətən müharibəsində Qələbənin beşinci ildönümünə həsr olunmuş Hərbi parad keçirilib

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib

FHN-in Akademiyasında gənc kursantların hərbi andiçmə və məzunların buraxılış mərasimi keçirilib

İlham Əliyevin sədrliyi ilə dağ-mədən və metallurgiya sənayesinin inkişafına dair Dövlət Proqramına dair müşavirə keçirilib