ABŞ Prezidentinin xüsusi elçisi Stiv Uitkoff Sankt-Peterburqda Rusiya Prezidenti Vladimir Putinlə danışıqları konstruktiv adlandırıb, həmçinin ABŞ, Rusiya və Ukraynanın iştirakı ilə üçtərəfli formatda müzakirələri davam etdirmək planları barədə məlumat verib.

"Far.Az" xəbər verir ki, bu barədə Uitkoff "X" sosial şəbəkəsində yazıb.

Onun sözlərinə görə, o, Cared Kuşnerlə birlikdə Oslo və Sankt-Peterburqda ABŞ Prezidenti Donald Trampın sülh təşəbbüsünün irəlilədilməsinə yönəlmiş Rusiya, Ukrayna və Avropa ölkələrinin nümayəndələri ilə görüşlər keçirib.

"Osloda Prezident Zelenski ilə görüşdə əldə edilmiş irəliləyişi inkişaf etdirmək, sülh yolu ilə nizamlanmanın çərçivə prinsiplərini müzakirə etmək və ailəsinin yanına, evinə qayıda bilən Amerika vətəndaşı Stiven Habbardın azad edilməsinə görə təşəkkür etmək üçün Sankt-Peterburqda Prezident Putinlə görüşdük", - Uitkoff yazıb.

O vurğulayıb ki, danışıqlar konstruktiv xarakter daşıyıb və texniki səviyyədə ABŞ, Rusiya və Ukraynanın iştirakı ilə üçtərəfli formatda davam etdiriləcək.

"Qarşıda hələ görüləcək vacib işlərin olmasına baxmayaraq, Prezident Tramp bu müharibənin dayandırılmasına və gələcək nəsillər üçün təhlükəsizliyi və rifahı təmin edəcək hərtərəfli, davamlı sülhün əldə olunmasına əvvəlkitək sadiqdir", - xüsusi elçi əlavə edib.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Prezident İlham Əliyev "AZWOOL" mineral daş yunu zavodunun açılışında iştirak edib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Daş Salnamə Muzeyində "Suyun sirri" pantomim tamaşası təqdim olunub