“Təmiz Şəhər” ASC-nin təsərrüfat sahələrindən olan Balaxanı bərk məişət tullantılarının çeşidlənməsi zavoduna təhvil verilən tullantılar çeşidlənərkən içərisindən xeyli sayda sənədlər və nəqliyyat vasitələrinə aid dövlət nömrə nişanları tapılır.

“Report”un Səhmdar Cəmiyyətə istinadən verdiyi məlumata görə, tapıntıların sahiblərinə qaytarılması məqsədi ilə həyata keçirilən “Tap qaytar” layihəsi çərçivəsində tapılan 85 şəxsiyyət vəsiqəsi, 5 sürücülük vəsiqəsi, 5 avtonəqliyyat vasitələrinin qeydiyyat şəadətnaməsi, 2 diplom, 10 xarici pasport və 4 avtomobil dövlət nömrə nişanı, 5 hərbi bilet, 6 doğum haqqında şəhadətnamə, 6 ədəd təhsil haqqında şəhadətnamə, 2 ədəd əmək kitabçası Bakı Şəhər Baş Polis İdarəsinin Tapıntılar Bürosuna təhvil verilib.

Qaydalara görə tapılan sənədlər 1 ay müddətində saxlanılır və həmin vaxt ərzində sahibi aşkar edilmədikdə vətəndaşın qeydiyyatı üzrə yaşayış ünvanına, eləcə də müvafiq təşkilatlara göndərilir.

Qeyd edək ki, Balaxanı bərk məişət tullantılarının çeşidlənməsi zavodu müasir texnologiyalar əsasında qurulub və 2012-ci ildən fəaliyyət göstərir. Ətraf mühitin mühafizəsinə xidmət edən bu zavod hər il min tonlarla tullantının təbiətə atılmasının qarşısını almaqla yanaşı “Tap qaytar” layihəsi ilə xeyli sayda insanın sevinməsinə səbəb olur.

Oxşar xəbərlər

AZAL-ın Baş Kommersiya İnzibatçısı: “Bilet qiyməti heç də hər zaman aviaşirkətdən asılı deyil”-MÜSAHİBƏ

Azərbaycan Sərhəd Mühafizəsinin yaranmasından 105 il ötür

Azərbaycanda keçiriləcək COP29 - iqlim dəyişmələrinin qarşısıalınmaz fəsadları ilə mübarizədə yeni mərhələ - RƏY

“Səba” istehsalı və satışı dayandırır? - AÇIQLAMA

Əmək və Əhalinin Sosial Müdafiəsi Nazirliyində Rusiya nümayəndə heyəti ilə görüş olub