Azərbaycan Dövlət Turizm Agentliyi (DTA) sağlamlıq turizminin inkişafını sürətləndirmək məqsədilə dövlət və özəl sektor nümayəndələrinin, həmçinin ictimai birliklərin iştirakı ilə xüsusi işçi qrupu yaradıb.

"Far.Az" xəbər verir ki, bu barədə DTA-nın sədri Fuad Nağıyev “Səhiyyə İdarəçiləri Zirvəsi 2024” tədbirində çıxışı zamanı deyib.

Onun sözlərinə görə, işçi qrupunun əsas məqsədi sağlamlıq turizmi sektorunda mövcud problemləri müəyyənləşdirmək, onların həlli yollarını təklif etmək və qarşılıqlı fəaliyyətin effektivliyini artırmaqdır.

F. Nağıyev bildirib ki, işçi qrupunun fəaliyyətində Səhiyyə Nazirliyi, TƏBİB və digər aidiyyəti qurumların nümayəndələri də iştirak edəcək: "Qrup sağlamlıq və tibbi turizm sahələrində idarəetmə, infrastrukturun təkmilləşdirilməsi, xidmət keyfiyyətinin artırılması və beynəlxalq təcrübənin tətbiqi kimi məsələlər üzərində iş aparacaq.

Azərbaycanın sağlamlıq turizmi potensialı genişdir və bu imkanlardan səmərəli istifadə üçün əlaqəli yanaşma tələb olunur. İşçi qrupunun yaradılması bu sahədə strateji inkişafın təmin edilməsinə yönəlmiş əhəmiyyətli bir addımdır”.

O əlavə edib ki, işçi qrupu Azərbaycanın sağlamlıq turizmi imkanlarının beynəlxalq tədbirlərdə tanıdılmasını və xarici investisiyaların cəlbini də prioritet istiqamət hesab edir.

F. Nağıyev vurğulayıb ki, Azərbaycanın Naftalan, Naxçıvan, Kəlbəcər və Laçın bölgələri müalicəvi resursları ilə beynəlxalq bazarda tanınmaq üçün böyük potensiala malikdir: "İşçi qrupunun fəaliyyəti çərçivəsində müntəzəm olaraq sektorun inkişafı ilə bağlı təkliflərin hazırlanması və tətbiqi nəzərdə tutulur".

Oxşar xəbərlər

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

TƏBİB-in tabeli tibb müəssisələrinin fəaliyyətinə dair növbəti müşavirə keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3