2024-cü ildə Azərbaycandakı mehmanxana (hotel) və mehmanxana tipli obyektlərin gəlirləri 2023-cü illə müqayisədə 42 % artaraq 694,2 milyon manat olub.

"Report" bu barədə Dövlət Statistika Komitəsinə istinadən xəbər verir.

Məlumata görə, bunun 65,5 %-i nömrələrin (otaqların) təqdim olunması üzrə xidmətlərdən, 24,5 %-i ictimai iaşə xidmətlərindən, 2,5 %-i müalicə və sağlamlıq xidmətlərindən, 7,5 %-i isə digər xidmətlərin göstərilməsindən əldə edilib.

Ötən il mehmanxana (hotel) və mehmanxana tipli obyektlərin birdəfəlik tutumundan istifadə səviyyəsi ölkə üzrə 24 % olub (əvvəlki il 20,1 %). Bu göstərici Şabranda 62,9 %, Naftalanda 46,1 %, Bakıda 39,3 %, Qusarda 27 %, Sabirabadda 23,7 %, Qəbələdə 23,5 %, Qubada 22,2 %, Ağstafada 19,2 %, Ağcabədidə 17,6 %, Beyləqanda 17,5 %, Şamaxıda 17,4 %, Lənkəranda 17,3 %, digər şəhər və rayonlarda isə 17,3 %-dən aşağı olub.

Oxşar xəbərlər

Azərbaycan hotellərinin gəlirləri 27 % artıb

Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB

Azərbaycan mehmanxanalarında gecələmələrin sayı 25 % artıb

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4