Fransa prezidenti Emmanuel Makron İsrailə qarşı siyasətini davam etdirir.

Far.Az "Report"a istinadən xəbər verir ki, bu barədə İsrail Xarici İşlər Nazirliyinin (XİN) sosial şəbəkədə yaydığı məlumatda deyilib.

Departamentin səhifəsində bildirilib: "Prezident Makronun İsrailə qarşı səlib yürüşü davam edir. Makron faktlarla maraqlanmır. Heç bir humanitar blokada yoxdur. Bu, açıq yalandır".

Makron cümə günü bildirib ki, Qəzzaya tam miqyaslı humanitar yardımın çatdırılması bərpa olunmazsa, Avropa İsrailə nəzarəti gücləndirməlidir. O qeyd edib ki, İsrailin Qəzzaya humanitar yardım qadağası hələ tam aradan qaldırılmayıb və bu səbəbdən bölgədə humanitar vəziyyət pisləşir.

Öz növbəsində İsrail XİN qeyd edib ki, bu həftə Qəzza zolağına humanitar yardım daşıyan təqribən 900 yük maşını buraxılıb və daha yüzlərlə yük maşını əraziyə keçmək üçün gözləyir.

Eyni zamanda, İsrail XİN bildirib ki, Qəzza Humanitar Fondunun himayəsi altında humanitar yardım paylama mərkəzləri fəaliyyətə başlayıb. Bunun sayəsində Qəzza zolağının sakinləri artıq iki milyon ədəd qida və on minlərlə digər yardım dəstləri alıblar.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Xaosun bir addımlığında: ermənipərəst baş nazirin ardınca Makronun gedişi Fransanın xilası olacaq - ŞƏRH

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

Prezident İlham Əliyev XII Qlobal Bakı Forumunun açılış mərasimində çıxış edib