İran hökuməti bəyan edib ki, Atom Enerjisi üzrə Beynəlxalq Agentliklə (AEBA) Qahirədə imzalanmış saziş BMT Təhlükəsizlik Şurasının sanksiyalarının bərpasından sonra qüvvədən düşüb.

Far.Az xəbər verir ki, bu barədə İranın xarici işlər naziri Abbas Əraqçi Tehranda xarici diplomatik missiya rəhbərləri ilə görüşdən sonra keçirdiyi mətbuat konfransında məlumat verib.

Nazirin sözlərinə görə, yeni geosiyasi şəraitdə, xüsusilə də "snapback" mexanizminin işə düşməsi fonunda əvvəlki razılaşma artıq İran üçün yetərli deyil:

"Qahirədə bir neçə mərhələli danışıqlardan sonra əldə olunmuş razılaşma mövcud vəziyyəti əhatə etmir. Yeni reallıqlar fonunda İran AEBA ilə əməkdaşlıq istiqamətində yeni qərarlar qəbul etməyə məcburdur", – Əraqçi bildirib.

O, həmçinin vurğulayıb ki, BMT Təhlükəsizlik Şurasında "Avropa üçlüyü"nün – Böyük Britaniya, Almaniya və Fransanın – sanksiyaların bərpası istiqamətində atdığı addımlar onların İranın nüvə proqramı ilə bağlı gələcək danışıqlarda rolunu əhəmiyyətli dərəcədə zəiflədib:

"Bu ölkələrin etibarı ciddi şəkildə zədələnib və onlar artıq böhranın həlli prosesində həlledici tərəf kimi çıxış edə bilməyəcəklər".

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev XII Qlobal Bakı Forumunun açılış mərasimində çıxış edib

Aİ “müşahidəçiləri”nin sərhəd “ralliləri” - Ermənistanın Ukraynaya çevrilmək təhlükəsi - TƏHLİL

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib