İndoneziyanın Şərqi Yava vilayətində, icazəsiz olaraq iki əlavə mərtəbəsi tikilməyə başlayan internat məktəb binasının uçması nəticəsində ölən tələbələrin sayı 49-a yüksəlib. Hadisə 29 sentyabrda Sidoarjo şəhərində baş verib və dağıntılar altında axtarış-xilasetmə işləri davam etdirilir.

Far.Az xəbər verir ki, rəsmi məlumatlara görə, 49 tələbə həyatını itirib, 103 tələbə isə yaralanıb. Onlardan 6 nəfəri ağır yaralı olaraq müalicə altındadır, 97 tələbənin isə müalicələrindən sonra xəstəxanadan buraxıldığı bildirilib.

Məlumatda qeyd olunur ki, binanın icazəsiz tikilən iki mərtəbəsi üçün tökülən beton onun ağırlığını daşıya bilməyərək uçub. Uçqun altında yalnız bir tələbə xəsarət almadan xilas olub.

Məktəb rəhbərliyi hələlik hadisəyə dair rəsmi açıqlama verməyib. Polis isə hadisə ilə bağlı genişmiqyaslı istintaq aparacağını bildirib.

Oxşar xəbərlər

İlham Əliyev Qarabağ Universitetinin Klinikası binasının açılışında iştirak edib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycanda AĞIR QƏZA: Ölən və xəsarət alan qadınların ADLARI

Xətai rayonunda Heydər Əliyev Fondu tərəfindən yeni məktəb binası istifadəyə verilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2