Türkiyədə son həftələrdə tənəffüs yolları infeksiyalarında ciddi artım müşahidə olunur. Mütəxəssislər bunun COVID-19, qrip və digər virusların eyni vaxtda yayılması ilə bağlı olduğunu bildirirlər.

BAKU.WS xəbər verir ki, pulmonoloq Şevket Özkaya "Haber Global"a açıqlamasında bildirib ki, ölkədə koronavirusun yeni "Frankenşteyn" adlanan variantı da qeydə alınıb.

Onun sözlərinə görə, bu ştam hazırda bəzi xəstələrdə aşkarlansa da, kritik və ya həyati təhlükə yaradan hallar qeydə alınmayıb.

Həkim qeyd edib ki, virusların paralel şəkildə dövriyyədə olması "üçqat epidemiya" effekti yaradır, bu isə xüsusilə yaşlılar və xroniki xəstəliyi olan şəxslər üçün risk faktorudur.

Özkaya vətəndaşları fərdi gigiyenaya, maska istifadəsinə və qapalı məkanlarda havalandırmaya diqqət etməyə çağırıb:

"Hazırda simptomlar yüngül olsa da, virusun yayılma sürəti yüksəkdir. Bu səbəbdən hər kəs ehtiyatlı davranmalıdır."

Qeyd edək ki, "Frankenşteyn" adlandırılan yeni COVID-19 variantı bir neçə alt-variantın birləşməsi nəticəsində yaranıb və bir sıra ölkələrdə də müşahidə edilməyə başlayıb.

Oxşar xəbərlər

Azercell Bərdədə yaşlılar üçün kibertəhlükəsizlik təlimi keçdi

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Payız gəldi, viruslar aktivləşdi: Mütəxəssislərdən vacib XƏBƏRDARLIQ

Məşhur çips məhsulunda UYĞUNSUZLUQ AŞKARLANDI

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib