İsrailin baş naziri Benyamin Netanyahunun hərbi katibi vəzifəsində çalışan general-mayor Roman Hofman ölkənin xarici kəşfiyyat xidməti olan MOSSAD-ın növbəti rəhbəri postuna əsas namizədlərdən biri kimi nəzərdən keçirilir.

BAKU.WS xəbər verir ki, bu barədə İsrailin "Walla" portalı təhlükəsizlik orqanlarındakı mənbələrə istinadən məlumat yayıb.

MOSSAD rəhbərinin vəzifə müddəti adətən dörd il olur, lakin baş nazir onu bir il müddətinə uzatmaq səlahiyyətinə malikdir. Mövcud rəhbər David Barnea 2025-ci il iyunun 1-də dörd illik xidmət müddətini başa vurmalı idi, lakin o, hazırda vəzifəsini uzadılmış müddətdə davam etdirir.

Roman Hofman 1976-cı ildə Belarusun Mozyr şəhərində anadan olub. 1990-cı ildə ailəsi ilə birlikdə İsrailə köçüb. O, İsrail Müdafiə Ordusunda (SAXAL) müxtəlif yüksək vəzifələr tutub, o cümlədən 75-ci batalyonun, "Etzion" regional briqadasının, 7-ci zirehli briqadanın və digər bölmələrin komandiri olub.

Roman Hofman 2024-cü ilin may ayında hərbi katib vəzifəsinə təyin olunduğu vaxtdan etibarən baş nazir Benyamin Netanyahunun etimadını qazanmış bir şəxs hesab olunur.

Oxşar xəbərlər

Prezident İlham Əliyev Əfv Sərəncamı imzalayıb

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Alim: Füzulinin qəbrini Azərbaycana gətirsək, ruhu narahat olar - MÜSAHİBƏ