"Azərbaycan bank sektoru bank alətləri, peşəkar idarəetmə və maliyyə imkanları baxımından regionun bir sıra ölkələrini geridə qoyur".

Bu sözləri BAKU.WS-ə açıqlamasında Azərbaycan Qiymətləndiricilər Cəmiyyətinin (AQC) sədri Vüqar Orucqonşu ölkələrin bank sistemləri ilə müqayisəli təhlil apararkən bildirib.

Onun sözlərinə görə, Azərbaycanla qonşu olan Gürcüstan, Ermənistan, İran, Rusiya və Türkiyənin hər birində bank sektorunun inkişaf səviyyəsi fərqlidir. Lakin maliyyə alətləri, müştəri bazası və bankların fəaliyyətə yanaşması baxımından Azərbaycan bank sistemi regionda seçilən mövqedədir.

Vüqar Oruc qeyd edib ki, hazırda Azərbaycanda biznes kreditləri 13-19 faiz, istehlak kreditləri isə 20-28 faiz aralığında dəyişir.

Gürcüstanda biznes kreditləri 11-16 faiz, istehlak kreditləri isə 16-25 faiz civarındadır. Ermənistanda biznes kreditlərinin faizi Gürcüstanla oxşar olsa da, istehlak kreditləri daha aşağıdır – 15-20 faiz aralığında. Ekspert bunu ölkə iqtisadiyyatının zəifliyi və kreditlərə tələbatın aşağı olması ilə əlaqələndirib.

"İrana gəldikdə isə, milli valyutanın dəyər itirməsi kredit faizlərinə ciddi təsir göstərir. Belə ki, İranda biznes kreditləri 20-35 faiz, istehlak kreditləri isə 25-40 faiz arasında dəyişir. Rusiyada biznes kreditlərinin faizi orta hesabla 20 faiz, istehlak kreditləri isə 25-30 faiz təşkil edir.

Türkiyə isə bu baxımdan regionda fərqlənir. Uçot dərəcəsinin yüksək olması fonunda biznes kreditləri 40-45 faiz, istehlak kreditləri isə 30-50 faiz aralığında dəyişir",-deyə AQC sədri əlavə edib.

Vüqar Orucun sözlərinə görə, kredit faizlərinin mövcud səviyyəsi Azərbaycanın inkişaf etməkdə olan iqtisadiyyat olduğunu göstərir: "Faizlərin daha da azaldılması çətin olsa da, mümkün olduğu halda bu, iqtisadi fəallığın artmasına ciddi stimul verə bilər".

Orxan Hüseyn

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib