"Qarabağ"ın Avropa Liqasının Liqa mərhələsinin I turunda İngiltərədə yerli "Tottenhem" komandası ilə matçını idarə edəcək Villi Delajo daha əvvəl iki dəfə Azərbaycan təmsilçisinin matçında iş başında olub.

"Far.Az"un məlumatına görə, 32 yaşlı FIFA referisi 2023/2024 mövsümündə "köhlən atlar"ın bu turnirdəki qarşılaşmasına da təyinat alıb.

Fransalı ədalət təmsilçisi Ağdam klubunun Finlandiyada HİK-i 2:1 hesabı ilə məğlub etdiyi III təsnifat mərhələsinin cavab görüşündə fitini səsləndirib. O, 16-cı dəqiqədə Helsinki komandasından Kevin Kuassivi-Benissanı birbaşa qırmızı vərəqə göstərərək meydandan qovub.

2020-ci ildən beynəlxalq oyunlara təyinat alan Delajo Bakıya da gəlib. Referi 2021/2022 mövsümündə "Neftçi"nin İsrailin "Makkabi" (Hayfa) klubu ilə heç-heçə etdiyi (3:3) Konfrans Liqasının pley-off mərhələsinin ilk matçında meydanda ədaləti qoruyub. O, həmin vaxt 77-ci dəqiqədə "ağ-qaralar"ın futbolçusu İsmayıl Zülfüqarlını birbaşa qırmızı vərəqə ilə cəzalandırıb.

Qeyd edək ki, “Tottenhem” – “Qarabağ” oyunu sentyabrın 26-da, Bakı vaxtı ilə saat 23:00-da start götürəcək.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

"Qarabağ" "Neftçi"ni məğlub edib - YENİLƏNİB - 6

"Qarabağ"ın Avrokuboklardakı böyükhesablı qələbələri

UEFA Millətlər Liqası: Azərbaycan yığması İsveçə məğlub olub - YENİLƏNİB - 7

UEFA Konfrans Liqası: "Zirə" "Omoniya" səfərində böyük hesabla məğlub olub - YENİLƏNİB - 8