Bakıda Finlandiyanın məşhur dövlət və siyasi xadimi Karl Qustav Emil Mannerheymin (1867–1951) Böyük İpək Yolu ilə Bakıdan Çinə səyahətinə həsr olunmuş fotosərgi açılıb.

“Report” xəbər verir ki, tədbir Finlandiyanın Azərbaycandakı səfirliyinin dəstəyi ilə təşkil olunub.

Açılış mərasimində Finlandiyanın Azərbaycandakı və Cənubi Qafqazın digər ölkələrindəki səfiri Kirsti Narinen çıxış edərək qısaca Mannerheymin həyatından danışıb.

Diplomat vurğulayıb ki, Mannerheym Finlandiyanın müstəqillik əldə etməsində və 20-ci əsrin birinci yarısında ölkənin tarixində, o cümlədən 1918-ci il vətəndaş müharibəsində, 1939-1940-cı illərin Qış müharibəsi və 1941-1944-cü illərin Davam müharibəsində mühüm rol oynayıb.

Onun sözlərinə görə, Mannerheymin səyahətində Bakı Finlandiya ilə Mərkəzi Asiya arasında duruş nöqtəsi olub.

“Tariximiz üçün belə mühüm şəxsiyyətə həsr olunmuş tədbirin burada keçirilməsi bizim üçün çox xoşdur. Şadıq ki, onun əsərlərini sizin üçün buraya gətirə və sizi onunla daha yaxından tanış edə bildik”, - səfir söyləyib.

FOTO: Ehtiram Cəbi

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

Daşkənddə Azərbaycan və Özbəkistan prezidentlərinin işgüzar dairələrin nümayəndələri ilə görüşü keçirilib - YENİLƏNİB - 2

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Azərbaycan və Rusiya prezidentləri mətbuata bəyanatlarla çıxış ediblər - YENİLƏNİB-2