Gürcüstan Azərbaycan və Ermənistan arasında ticarət əlaqələrinin inkişafında mühüm rol oynayıb və oynayacaq.

"Report" xəbər verir ki, bu barədə Gürcüstan Hökuməti Administrasiyasının rəhbəri Levan Jorjoliani Antalya Diplomatiya Forumunda "Cənubi Qafqaz: Strateji mərkəzə çevrilmə yolunda" adlı panel sessiyasında bildirib.

"Biz qonşularımız - Azərbaycan və Ermənistan üçün çox şadıq, onlar sülh razılaşması əldə edə bildilər. İndi onlar ticarət münasibətlərini inkişaf etdirirlər və Gürcüstan da bunda əsas rol oynayır və oynayacaqdır. Biz bunu dəstəkləyirdik", - o bildirib.

Onun sözlərinə görə, Cənubi Qafqaz regionuna inkişaf üçün üçtərəfli format lazımdır:

"Məsələn, bir neçə ay əvvəl Azərbaycan, Ermənistan və Gürcüstanın xarici işlər nazirlərinin müavinləri Tbilisidə görüşdülər və müxtəlif məsələləri - ikitərəfli və üçtərəfli əməkdaşlığın müxtəlif aspektlərini müzakirə etdilər. Biz qətiyyətlə inanırıq ki, əgər Cənubi Qafqaz ölkələri, hər üç ölkə, tərəqqi, sabitlik və sülhün qorunması ilə bağlı vahid baxışı bölüşərsə, o zaman xalqlarımız rifah içində yaşayacaqlar".

O əlavə etdi ki, Cənubi Qafqaz "sülh adası"dır və burada biznes aparmaq üçün böyük imkanlar mövcuddur.

Bununla yanaşı o vurğulayıb ki, Cənubi Qafqaz ölkələri praqmatik siyasət yürüdür və regionda sülhün təmin edilməsi üçün siyasi cəsarətə malikdirlər.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident Davosda "Avrasiyanın iqtisadi özünəməxsusluğunun müəyyənləşdirilməsi" mövzusunda panel iclasında iştirak edib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Azərbaycan və Türkiyə generalları görüşdülər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2