Avropa İttifaqı (Aİ) çox güman ki, ukraynalılar üçün müvəqqəti qorunmanı daha bir il, 2028-ci ilin mart ayına qədər uzadacaq.

"Report"un məlumatına görə, bu barədə Aİ-nin ukraynalılar üzrə xüsusi elçisi İlva Yohansson DW-yə müsahibəsində bildirib.

"Mövcud vəziyyəti nəzərə alaraq, düşünürəm ki, (Avropa Komissiyasından - red.) onun daha bir il, 2028-ci ilin mart ayına qədər uzadılması təklif olunacaq. Düşünürəm ki, Aİ-yə üzv dövlətlər bununla razılaşacaqlar", - o deyib.

İ.Yohanssonun sözlərinə görə, Aİ xüsusən davam edən Rusiya-Ukrayna müharibəsi və sülh müqaviləsi üçün perspektivlərin olmaması nəzərə alınmaqla, ukraynalı qaçqınların 2027-ci ilin mart ayından sonra statuslarının qeyri-müəyyənliyi ilə bağlı narahatlıqlarını başa düşür.

"Yaxın gələcəkdə sülh müqaviləsi görmürük. Buna görə də insanlar, əlbəttə, bundan sonra nə baş verəcəyini başa düşməlidirlər", - o qeyd edib.

Daha əvvəl bildirilib ki, İrlandiya hökuməti ukraynalılar üçün Aİ-də müvəqqəti qorunmanı dayandırmağa hazırlaşır.

Ukrayna hökuməti qaçqınları könüllü şəkildə geri qaytarmağa çalışır. Bununla yanaşı, Kiyev müvəqqəti mühafizə altında qalan vətəndaşlar haqqında məlumat almaq istəyir ki, onların geri qaytarılması siyasətini planlaşdırsın.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Ermənistana Rusiya taxılı daşıyan yük qatarı Xırdalan Dəmiryol Stansiyasından yola düşür