Yaxın Şərqdə gərginlik fonunda Bundesver Türkiyənin cənub-şərqində "Patriot" zenit-raket kompleksi (ZRK) yerləşdirəcək.

"Report" xəbər verir ki, bu barədə Almaniya Müdafiə Nazirliyinin bəyanatında deyilir.

Plana əsasən, "Patriot" ZRK və Almaniyanın Xuzum şəhərindən (Şlezviq-Holşteyn federal əyaləti) olan 150-yə yaxın hərbçi iyunun sonundan sentyabradək Türkiyəyə dislokasiya olunacaq. Onlar orada ABŞ ordusunun bölməsini əvəz edəcəklər.

"Almaniya NATO çərçivəsində öz üzərinə daha çox məsuliyyət götürür. Biz bunu şərq cinahında, Uzaq Şimalda və indi də Alyansın Türkiyədəki cənub-şərq cinahında edirik", - ölkənin müdafiə naziri Boris Pistorius bildirib.

Qeyd edək ki, sonuncu dəfə Bundesverin "Patriot"ları Türkiyədə 2013-cü ildən 2015-ci ilədək NATO-nun "Active Fence" missiyası çərçivəsində Kahramanmaraş şəhəri ərazisində, Suriya sərhədindən təxminən 120 km aralıda yerləşdirilib.

Oxşar xəbərlər

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

Lökbatandakı yanğına helikopterlər indiyədək 150 ton su töküb - YENİLƏNİB-4

"Qarabağ KOB-ları" layihəsi - şəhid ailələrinin, qazilərin məşğulluğuna və biznes təşəbbüslərinə dəstək

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib