Bu gün Havana limanına Meksika və Uruqvaydan növbəti humanitar yardım partiyası çatıb.

"Report" xəbər verir ki, bu barədə Kubanın "Cubadebate" portalı məlumat yayıb.

Məlumata görə, limanda gəmini Kubanın Baş nazirinin müavini Oskar Peres Oliva Fraqa, Kubanın qida sənayesi və daxili ticarət nazirləri, Meksika və Uruqvayın Havanadakı səfirləri qarşılayıblar.

Qeyd olunub ki, humanitar yardıma ərzaq məhsulları və gigiyena vasitələri daxildir və ilk növbədə, uşaqlara, yaşlılara və ehtiyacı olan ailələrə yönəldiləcək.

"Kuba ABŞ hökuməti tərəfindən respublikaya qarşı tətbiq edilən ticarət-iqtisadi və maliyyə blokadasının gücləndirilməsi ilə daha da ağırlaşan böyük iqtisadi çətinliklər yaşayır", - Kubanın qida sənayesi naziri Alberto Lopes qeyd edib.

Meksikanın Kubadakı səfiri Miqel İqnasio Dias Reynoso bildirib ki, bu, ilin əvvəlindən bəri Meksikanın Kubaya göndərdiyi artıq səkkizinci yardım partiyasıdır. Bu dəfə təşəbbüsə Uruqvay da qoşulub.

Qeyd edək ki, bu ilin yanvar ayının sonunda ABŞ administrasiyası adaya yanacaq tədarükünün tam blokadasına yönəlmiş tədbirlər elan etdikdən sonra Kubada vəziyyət kəskin şəkildə pisləşib.

Oxşar xəbərlər

Xocalının Təzəbinə kəndində ailələrə evlərinin açarları təqdim olunub

Leyla Əliyeva Türkmənistanda Qayğıya ehtiyacı olan uşaqlara yardım üzrə xeyriyyə Fondunun Avaza filialının açılışında iştirak edib

Layiqli Əmək Səfirləri ilə görüş keçirilib

İçərişəhər rəqəmsallaşır: Yelo Bank yeni təşəbbüsə qoşuldu

"Global Media Group" "Xəzəri qoruyaq" ekoloji aksiyasına qoşulub