Böyük Qayıdış Dövlət Proqramı işğaldan azad edilmiş ərazilərdə bərpa və yenidən məskunlaşma səylərini istiqamətləndirən mərkəzi strateji çərçivəni təmsil edir.

"Far.Az" xəbər verir ki, bunu Dövlət Şəhərsalma və Arxitektura Komitəsinin sədri Anar Quliyev Bakıda keçirilən Ümumdünya Şəhərsalma Forumununun 13-cü sessiyası (WUF13) çərçivəsində təşkil olunmuş "Bağlantının mərkəzində şəhərlər: şəhər yenidənqurması və regional əməkdaşlıq" mövzusundə tədbirdə bildirib.

Onun sözlərinə görə, 2022-ci ildə təsdiq edilmiş proqram şəhər və kəndlərin yenidən qurulması, infrastrukturun bərpası, məşğulluq imkanlarının yaradılması və geri qayıdan icmalar üçün dayanıqlı yaşayış şəraitinin təmin edilməsi üçün hərtərəfli yol xəritəsi təqdim edir: "Bərpanın ardıcıl və gələcəyə yönəlmiş baxışa uyğun aparılmasını təmin etmək üçün azad edilmiş ərazilər üçün hərtərəfli baş plan hazırlanıb. 2022-ci ildə təsdiq edilmiş plan Azərbaycanın iki iqtisadi regionu – Qarabağ və Şərqi Zəngəzur üzrə inkişafı istiqamətləndirən əsas məkan və strateji çərçivə rolunu oynayır. Sənəd şəhərsalma, infrastruktur, ətraf mühitin idarə edilməsi, resursların bölüşdürülməsi, enerji sistemləri, sənaye inkişafı və demoqrafik proqnozlaşdırmanı vahid əlaqələndirilmiş inkişaf çərçivəsinə birləşdirir".

Sədr qeyd edib ki, tikinti prosesini asanlaşdıraraq və uzunmüddətli məskunlaşma strategiyalarının həyata keçirilməsinə töhfə verərək, inteqrasiya olunmuş institusional çərçivə Azərbaycanın bərpa strategiyasının müəyyənedici xüsusiyyətlərindən birinə çevrilib: "Ənənəvi məkan planlaşdırması vəzifələrinə əlavə olaraq, Dövlət Komitəsinə azad edilmiş ərazilərdə daha geniş tənzimləyici və icra funksiyaları həvalə edilib. Bu yanaşma planlaşdırma və icazə prosedurlarının bölüşdürülməsi, həmçinin tikinti nəzarətinin vahid idarəetmə sistemi çərçivəsində fəaliyyət göstərməsinə imkan yaradıb".

Komitə sədri işğaldan azad edilmiş ərazilər 13 600 kvadrat kilometr sahəni əhatə etdiyini xatırladataq, proqnozlaşdırılan əhalisi təxminən 1,1 milyon nəfər olan 12 şəhəri, eləcə də təxminən 300 kənd və qəsəbəni özündə birləşdirdiyini deyib: "Buna görə də baş plan Qarabağ və Şərqi Zəngəzur üzrə şəhər inkişafını, nəqliyyat infrastrukturunu, iqtisadi fəaliyyəti, ekoloji sistemləri və kənd yaşayış məntəqələrini əlaqələndirən koordinasiyalı çərçivə müəyyən edir. Müasir nəqliyyat infrastrukturunun inkişafı bərpa prosesinin əsas prioritetlərindən biridir. Hazırda azad edilmiş ərazilərdə 3 800 kilometrdən çox yolu əhatə edən yol layihələri 48 tunel, 500 körpü və 16 estakada ilə birlikdə həyata keçirilir. Paralel olaraq, ümumi uzunluğu 150 kilometrdən çox olan iki yeni dəmir yolu xətti və üç beynəlxalq hava limanı regional və beynəlxalq əlaqəni gücləndirir".

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Gələcəyə ümidlə baxan uşaqların sağlamlıq arzusu burada gerçəkləşə bilər

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub