Belçika Norveçlə "F-35" qırıcıları və pilotsuz uçuş aparatları üçün ümumi dəyəri təxminən 700 milyon avro olan qanadlı raketlərin alınmasına dair müqavilə bağlayıb.

"Report" xəbər verir ki, bu barədə Belçikanın "Het Laatste Nieuws" nəşri məlumat yayıb.

Müqavilə Norveçin "Kongsberg" müdafiə müəssisəsi tərəfindən Amerikanın "Raytheon" korporasiyası ilə tərəfdaşlıq çərçivəsində hazırlanmış "AGM-184 JSM" qanadlı raketlərinin tədarükünü nəzərdə tutur. Bu sursatlar havadan buraxılmaq üçün nəzərdə tutulub və 350 km-ə qədər məsafədə quru və dəniz hədəflərini vurmaq qabiliyyətinə malikdir.

"F-35" qırıcıları iki belə raketi gövdə daxilində daşıya bilir və bu onların əsas üstünlüyü olan radarlara qarşı görünməzlik qabiliyyətinə heç bir zərər vermir. Bu silah strateji əhəmiyyətə malik olduğundan Belçikanın müdafiə qurumu həm sifariş edilmiş raketlərin dəqiq sayını, həm də bir məmulatın qiymətini açıqlamaqdan imtina edib.

Amerika mediası qeyd edib ki, ABŞ Silahlı Qüvvələri üçün belə bir raketin dəyəri təxminən 3,2 milyon dollar təşkil edir.

Gələcəkdə qanadlı raketlərin "SkyGuardian" pilotsuz uçuş aparatlarının silahlanmasına inteqrasiya edilməsi də planlaşdırılır. Bundan əlavə, ordu dronları təchiz etmək üçün 10 milyon avro dəyərində 16 "Brimstone" raketi və 30 milyon avro məbləğində 120 "Hellfire" raketini sifariş edib.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Türkiyə mediası Prezident İlham Əliyevin Təhlükəsizlik Şurasının iclasındakı çıxışını geniş işıqlandırıb