Çinin orbitdə qurduğu "Tienqonq" kosmik stansiyasına göndərilən yeni taykonot heyəti uğurla stansiyaya çatıb.

Far.Az xəbər verir ki, Çin İnsanlı Kosmik Proqram Agentliyinin məlumatına görə, Cu Yanqcu, Canq Cıyüen və Lay Ka-yinqin olduğu "Şıncou-23" kosmik gəmisi stansiyanın əsas moduluna uğurla bağlanıb.

Təxminən 3,5 saat davam edən uçuşdan sonra heyət stansiyaya daxil olub və əvvəlki missiyada çalışan taykonotlardan növbəni təhvil almağa hazırlaşır.

Yeni ekipajın 6 ay müddətində kosmosda fəaliyyət göstərəcəyi bildirilir. Bununla yanaşı, taykonotlardan birinin insan orqanizminə uzunmüddətli kosmik uçuşun təsirini araşdırmaq məqsədilə stansiyada 1 il qalacağı açıqlanıb.

Missiya çərçivəsində həyat elmləri, mikroqravitasiya, kosmik tibb və texnologiya sahələrində 100-dən çox elmi təcrübə aparılacaq.

Qeyd edək ki, Çin ABŞ-nin Beynəlxalq Kosmik Stansiya proqramına qoşulmasına icazə verməməsindən sonra öz "Tienqonq" kosmik stansiyasını qurub.

Oxşar xəbərlər

Dekan: Qarabağ Universitetində Tibb və sağlamlıq elmləri fakültəsi fəaliyyətə başlayacaq

Lu Mey Bakı və Pekinin əməkdaşlıq prioritetləri barədə: Orta Dəhliz, yaşıl enerji və süni intellekt – MÜSAHİBƏ

WUF13 yüksəksəviyyəli sessiyalar və rekord sayda iştirakçı ilə uğurla başa çatıb

WUF13 Festivalı çərçivəsində Bakı Dənizkənarı Bulvarında "İctimai proqram" baş tutub

Həyatda yaxşı şeyləri niyə görmürük? - Tanınmış simaların FİKİRLƏRİ