Rusiyanın "Rossiya" aviaşirkətinə məxsus sərnişin təyyarəsi Mineralnıye Vodı hava limanında dayanacaqda olarkən güclü dolunun təsirindən zədələnib.

Far.Az xəbər verir ki, bu barədə "Baza" Teleqram kanalı məlumat yayıb.

Məlumata görə, mayın 28-də Stavropol diyarında müşahidə olunan güclü yağış və iri dolu hava nəqliyyatında problemlərə səbəb olub. Sankt-Peterburq istiqamətində uçmalı olan "Rossiya" aviaşirkətinin Airbus A320 təyyarəsinə baxış zamanı mühərrik örtüklərində çoxsaylı əziklər aşkarlanıb.

Təhlükəsizlik səbəbindən təyyarənin uçuşuna icazə verilməyib.

Nəticədə aviaşirkət ehtiyat hava gəmisindən istifadə etmək məcburiyyətində qalıb. Bu səbəbdən reys təxminən doqquz saat gecikib.

Bundan əvvəl isə Rusiyada sərnişin təyyarəsinin havada marşrutunu qəfil dəyişdiyi bildirilmişdi. Göyərtəsində 104 sərnişin olan gəmi havada geri dönərək uçduğu hava limanına eniş etmişdi.

Oxşar xəbərlər

FHN təlim etmək istədi - Yanlış park edilən maşınlara görə yanğın avtomobilləri hərəkət edə bilmədi

"Fəvvarələr meydanı"nda TƏLİM - Yanğınsöndürən maşınlar sərbəst hərəkət edə bilmədi

DİM yeddi imtahan keçirib, doqquz nəfərdə telefon aşkarlanıb

Tuapsedə PUA hücumundan sonra "qara yağış" canlılara ZƏRƏR VURUB

FHN nizamsız park edilən maşınlara görə Bakıda "yanğın olan ərazi"yə girə bilmədi