Azərbaycanda enerji şəbəkəsini modernləşdirmək üçün təxminən 500 milyon ABŞ dollar xərclənməlidir.

"Report" xəbər verir ki, bunu energetika nazirinin müavini Elnur Soltanov "Dayanıqlılıq və Enerji Transformasİyası" mövzusunda Bakıda keçirilən "Technovation" Forumunda bildirib.

Onun sözlərinə görə, bərpa olunan enerji ətraf mühit üçün faydalı olsa da, təbii qazı əvəz etsə də, lakin eyni zamanda bahadır: "Biz iki giqavat bərpa olunan enerji istehsal etmək niyyətindəyik. Birləşmiş Ərəb Əmirliklərinin "Masdar" şirkəti hazırda bu sahədə strateji tərəfdaşımızdır. 2027-ci ilə qədər Azərbaycanın 2 giqavat bərpa olunan enerjisi olacaq. Bu böyük bir hadisədir. Mingəçevirdə həyata keçirilən layihələrlə birlikdə, orada 2,4 giqavat gücündə Azərbaycandakı ən böyük elektrik stansiyası mövcuddur. Burada sovet dövründən qalmış qaz turbinlərini yeniləri ilə əvəz etdik".

O qeyd edib ki, artıq bu stansiyanın səmərəliliyi 30 % artıb: "2027-ci ilə qədər inşa edilən bu iki giqavat, üstəlik Mingəçevirdəki modernizasiyası təxminən 1,5 milyard kubmetr təbii qaza qənaət edəcək. Biz müəyyən mənada, sanki yeni "Abşeron" qaz yatağını kəşf etdik. Bu iki giqavat bərpa olunan enerjini şəbəkə sisteminə inteqrasiya etmək üçün xərclər çox böyükdür.

Nazir müavini qeyd edib ki, təbii qazın böyük alternativ dəyəri var: "Bu qazı Avropa bazarlarına daha yüksək qiymətlərlə ixrac edə və sonra bu gəliri ölkə iqtisadiyyatına qaytarmaq olar: "Xüsusilə bərpa olunan enerji mənbələri istiqamətində enerji balansını artırmaq bizim üçün iqtisadi cəhətdən məntiqli idi. Bu, şübhəsiz ki, ətraf mühit üçün faydalı idi".

E. Soltanov əlavə edib ki, şəbəkələr çox həssas texnoloji möcüzələrdir, bunun üçün də onlarla çox ehtiyatlı davranmaq lazımdır.

Oxşar xəbərlər

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Leyla Əliyeva "Mənzərəyə açılan ev" mövzusunda qrup sərgisində iştirak edib

Arzu Əliyeva və Alena Əliyeva "Rənglərdə yaşanan 10 il" mövzusunda keçirilən sərgidə iştirak ediblər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2