Qazaxıstanda internetdə nalayiq ifadələrdən istifadəyə görə cərimələrin tətbiqi nəzərdə tutulur. Qanunvericiliyə müvafiq dəyişikliklər artıq hazırlanıb və müzakirə mərhələsindədir.

BAKU.WS Oxu.Az-a istinadən xəbər verir ki, bu barədə Liter.kz nəşri məlumat yayıb.

Planlaşdırılan dəyişikliklər barədə Qazaxıstanın Baş naziri Oljas Bektenov ictimai məkanda nitq və davranış mədəniyyətinə dair deputat sorğusuna cavabında məlumat verib.

Müzakirələrə səbəb transformasiya təlimlərindən biri ilə bağlı sosial şəbəkələrdə geniş yayılan video olub. Kadrlarda iştirakçıların psixoloji təcrübə çərçivəsində qeyri-etik ifadələrdən istifadə etməsi ictimai rezonans doğurub. Bundan sonra deputatlar bu cür tədbirlərin tənzimlənməsi və təlimlərin, seminarların, ictimai mühazirələrin təşkilatçıları üçün daha aydın etik meyarların müəyyənləşdirilməsini təklif ediblər.

Baş nazirin cavabında qeyd olunub ki, onlayn platformalar və media ilə bağlı İnzibati Xətalar Məcəlləsinə dəyişikliklər layihəsi hazırlanıb. Sənəd onlayn platformalarda nalayiq ifadələrdən istifadəyə görə inzibati məsuliyyət nəzərdə tutur. Qanun layihəsinin bu ay parlamentin müzakirəsinə çıxarılması planlaşdırılır.

Dəyişikliklər qəbul edilərsə, məsuliyyət yalnız real həyatda deyil, həm də onlayn platformalardakı paylaşımlara, şərhlərə və digər ünsiyyət formalarına da şamil oluna bilər.

Oxşar xəbərlər

FHN WUF13-ə hazırlıq çərçivəsində otellərdə təlimlər keçirib

Heydər Əliyev Fondu Lənkəran uşaq evini əsaslı yenidənqurmadan sonra istifadəyə verib

Xocalı şəhərində "Qarabağ Tekstil Evi" MMC istifadəyə verilib

İçərişəhərdə Qarabağ mədəniyyətinə həsr edilmiş festival təşkil olunub

Azərbaycan Prezidenti İlham Əliyev Qazaxıstanda dövlət səfərindədir