Alimlər Marsdan gəldiyi müəyyən edilən meteoritdə indiyədək Qırmızı planet nümunələrində qeydə alınmamış mineral tapıblar. Kəşf Marsın geoloji təkamülünün öyrənilməsi baxımından mühüm əhəmiyyət daşıyır.

BAKU.WS xəbər verir ki, tədqiqat zamanı Kanadadakı Royal Ontario Museum kolleksiyasında saxlanılan meteorit parçasında qranat mineralının çox kiçik hissəcikləri aşkarlanıb.

Mütəxəssislərin sözlərinə görə, tapılan mineral dəmirlə zəngin qranat növü olan andraditdir. O, adi tünd qırmızı qranatlardan fərqli olaraq sarı-yaşıl rəngə malikdir. Mineralın ölçüsü isə cəmi 0,8 x 0,5 millimetr olub.

Araşdırma zamanı alimlər əvvəlcə nümunəni daha geniş yayılmış piroksen mineralı hesab etsələr də, sonrakı analizlər onun unikal kimyəvi tərkibə malik olduğunu göstərib.

NWA 8171 adlanan meteorit bazalt brekçiyası növünə aiddir. Bu süxur maqmanın soyuyaraq müxtəlif mineralların ətrafında bərkiməsi nəticəsində yaranır və keçmiş geoloji şərait barədə mühüm məlumatları qoruyub saxlayır.

Alimlər qranatın Marsda yüksək temperatur, təzyiq və ya isti mayelərin təsiri altında formalaşmış ola biləcəyini ehtimal edirlər. Bunun böyük meteorit zərbəsi və ya planetin qabığında maqmanın yüksəlməsi nəticəsində baş verdiyi güman edilir.

Bununla yanaşı, tədqiqatçılar mineralın Marsdan kənarda yaranaraq sonradan planetin səthinə düşməsi ehtimalını da istisna etmirlər. Bu versiyanın yoxlanılması üçün qranatın izotop tərkibinin digər Mars nümunələri ilə müqayisə ediləcəyi bildirilib.

Oxşar xəbərlər

Prezident İlham Əliyev "AZWOOL" mineral daş yunu zavodunun açılışında iştirak edib

Lökbatandakı yanğına helikopterlər indiyədək 200 ton su töküb - YENİLƏNİB-4

Lökbatandakı yanğına helikopterlər indiyədək 150 ton su töküb - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2