Rusiya Ermənistandan balıq məhsullarının idxalı ilə bağlı tətbiq etdiyi məhdudiyyətlərin əhatə dairəsini genişləndirib.

BAKU.WS xarici KİV-ə istinadən xəbər verir ki, bununla bağlı qərar Rusiyanın Baytarlıq və Fitosanitar Nəzarət üzrə Federal Xidməti ("Rosselxoznadzor") tərəfindən qəbul olunub.

Qərara əsasən, indiyədək Rusiya bazarına balıq ixrac etmək hüququ olan Ermənistandakı son iki müəssisənin məhsulları üçün verilən sertifikatların qüvvəsi müvəqqəti dayandırılıb. Qurum bunu aparılan yoxlamalar zamanı müəyyən edilmiş sistem xarakterli pozuntularla əlaqələndirib.

Qeyd edək ki, "Rosselxoznadzor" bundan əvvəl də Ermənistandan Rusiyaya ixrac olunan çiçəkçilik məhsulları, eləcə də meyvə-tərəvəz məhsullarına müxtəlif məhdudiyyətlər tətbiq etmişdi.

Oxşar xəbərlər

Lökbatandakı yanğına helikopterlər indiyədək 200 ton su töküb - YENİLƏNİB-4

Azərbaycan meyvə-tərəvəz ixracında 5 ilin ən yüksək göstəricisinə çatdı - STATİSTİKA

Lökbatandakı yanğına helikopterlər indiyədək 150 ton su töküb - YENİLƏNİB-4

Ət əvəzinə hamı balıq alır - Bazarda SON QİYMƏTLƏR

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN