ABŞ-nin Şimali Karolina ştatında orta məktəbdə çalışan 37 yaşlı psixoloji məsləhətçi Lesli Lambet Brayant şagirdlərə "Snapchat" vasitəsilə intim məzmunlu foto və videolar göndərdiyi iddiası ilə həbs edilib.

Far.Az xəbər verir ki, bu barədə xarici KİV məlumat yayıb.

Məlumata görə, hadisə ilə bağlı məktəb rəhbərliyinə daxil olan şikayətdən sonra müəllim əvvəlcə ödənişli məzuniyyətə göndərilib, daha sonra isə vəzifəsindən istefa verib. Fakt üzrə Orange dairəsinin Şerif Ofisi tərəfindən araşdırma başlanılıb.

Brayanta qarşı "azyaşlıya qarşı qeyri-münasib davranış" və "ikinci dərəcəli uşaq cinsi istismarı" maddələri ilə ittiham irəli sürülüb. Prokurorluğun iddiasına görə, o, şagirdlərlə "Snapchat" üzərindən əlaqə saxlayaraq onlara intim xarakterli foto və videolar göndərib.

Məktəb rəhbərliyi bildirib ki, şagirdlərin təhlükəsizliyi əsas prioritetdir və hadisə barədə məlumat daxil olan kimi müəllim işdən uzaqlaşdırılıb.

Hazırda Lesli Lambet Brayant Orange dairəsinin saxlanma mərkəzindədir. Məhkəmə onun barəsində 50 min dollar məbləğində girov müəyyən edib.

Oxşar xəbərlər

Bu günün valyuta məzənnələri

Hər kəs üçün təhsil: İnklüzivliyə dair ilk üçdilli kitab təqdim olundu

Ağdam şəhər 1 nömrəli tam orta məktəbdə tədris prosesinə başlanılıb

Ali məktəblərə qəbulun nəticələri açıqlanıb

Xətai rayonunda Heydər Əliyev Fondu tərəfindən yeni məktəb binası istifadəyə verilib