Rusiyanın Novorossiysk şəhərində yerləşən yanacaqdoldurma məntəqələrində benzin tükənib və satış dayandırılıb.

Far.Az xəbər verir ki, bu barədə Novorossiysk şəhər administrasiyası məlumat yayıb.

Bildirilib ki, şəhərdə dizel yanacağı yalnız 8 yanacaqdoldurma məntəqəsində məhdud həcmdə mövcuddur. Yanacaq yalnız xüsusi yanacaq kartları vasitəsilə satılır və bu imkandan əsasən şirkətlərə məxsus nəqliyyat vasitələri istifadə edə bilir.

Məlumata görə, Ukraynanın pilotsuz uçuş aparatları ilə Rusiyanın neft emalı zavodlarına endirdiyi zərbələrdən sonra ölkədə bir sıra müəssisələr təmirə bağlanıb. Rusiya hökuməti yanacaq bazarında sabitliyi qorumaq məqsədilə vaxtaşırı satış və ixrac məhdudiyyətləri tətbiq edir.

Qeyd olunur ki, hazırda Moskva və Sankt-Peterburq da daxil olmaqla Rusiyanın təxminən 40 regionunda yanacaq satışına müxtəlif məhdudiyyətlər tətbiq edilir.

Oxşar xəbərlər

Azərbaycandan Ermənistana 4 500 tona yaxın dizel yanacağı Güzdəkdən yola salınır

Azərbaycandan Ermənistana dizel yanacağı göndərilib

DYMX Neft Emalı Zavodunda yanğın-taktiki təlim keçirib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

İlham Əliyev İmişlidə "Promalt" MMC-nin arpa emalı müəssisəsinin açılışını edib