Uşağın yuxu rejimini yeni dərs ilinin başlamasına bir gün qalmış dəyişmək mümkün deyil. Psixoloq və uşaq yuxusu üzrə məsləhətçi Yelena Matveyevanın sözlərinə görə, rejimin tədricən bərpasına dərslər başlamazdan 1–2 həftə əvvəl başlanılmalıdır.

Far.Az xəbər verir ki, mütəxəssis bildirib ki, yay aylarında gec yatmağa və gec oyanmağa alışan uşağın bioloji saatı dəyişir. Buna görə də yuxu və oyanma vaxtının hər 2–3 gündən bir təxminən 10–15 dəqiqə əvvəl çəkilməsi tövsiyə olunur.

Uşağın gündəlik rejimində səhər yeməyi, gəzinti və axşam yeməyinin vaxtının da tədricən dəyişdirilməsi vacibdir.

Psixoloq səhər saatlarında təbii işığın əhəmiyyətini də vurğulayıb. Onun sözlərinə görə, oyandıqdan sonra parlaq təbii işıq uşağın bioloji saatının daha sürətli uyğunlaşmasına kömək edir. Səhər yeməyindən sonra gəzinti də yuxu rejiminin tənzimlənməsində faydalı ola bilər.

Mütəxəssis xəbərdarlıq edib ki, uşaq erkən oyanmağa vaxtında uyğunlaşmasa, dərsə yorğun gedə və tədris prosesində çətinlik yaşaya bilər.

Oxşar xəbərlər

Şəhidlər xiyabanına xalq ziyarəti axşam saatlarında da davam edir

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakının mərkəzində milli geyimlərdə gəzinti-yürüş təşkil olunub

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub