Xəzər rayonunun Mərdəkan qəsəbəsində sakinlər məişət tullantılarının qanunsuz şəkildə boş əraziyə atılmasından narazıdırlar.

Baku TV-yə danışan sakinlər bildirirlər ki, Maarif Musayev küçəsində yerləşən sahə illərdir zibilliyə çevrilib.

Ərazi hasarlansa da, hasarın bir hissəsinin dağıdılması tullantıların buraya daşınmasını asanlaşdırır.

Xüsusilə isti havalarda yaranan üfunət qoxusu və həşəratların çoxalması sakinlərin narahatlığına səbəb olur.

Məlumata görə, ərazidə tullantıların yandırılması ilə bağlı daha əvvəl yanğın hadisəsi də baş verib. Bildirilir ki, tullantıların yandırılması zamanı ərazidə güclü tüstülənmə yaranıb və yaxınlıqdakı sakinlər müdaxilə edərək yanğını söndürüblər.

Sakinlər problemin aradan qaldırılması üçün ərazinin təmizlənməsini və hasarın dağıdılmış hissəsinin bərpa olunmasını istəyirlər. Onların sözlərinə görə, aidiyyəti qurumlara bununla bağlı müraciətlər edilsə də, problem hələ də həllini tapmayıb.

Oxşar xəbərlər

İlham Əliyev Şuşanın Qarabağ küçəsində dövlət-özəl tərəfdaşlığı çərçivəsində həyata keçirilmiş işlərlə tanış olub

Bakıda tanınmış şirkət bahalı maşınlarını ucuz qiymətə satışa çıxardı - SİYAHI

Həyatda yaxşı şeyləri niyə görmürük? - Tanınmış simaların FİKİRLƏRİ

Lökbatanda anbarda GÜCLÜ YANĞIN - Kəmaləddin Heydərov hadisə yerinə gəldi

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN