Avqustun 13-də ABŞ-nin üç ştatının - Tennessi, Alabama və Oklahomanın hakimiyyət orqanları üç məhkum barəsində ölüm hökmlərini icra edib.

"Report"un "Associated Press"ə (AP) istinadən məlumatına görə, ABŞ-də sonuncu dəfə bir gün ərzində üç edam 16 il əvvəl həyata keçirilib.

Alabamada 2021-ci ildə beş yaşlı qızı zorlamaqda və öldürməkdə təqsirli bilinən Ceremi Uilyams edam edilib. Oklahomada 2003-cü ildə sevgilisi Olimpiya Fişeri öldürdüyünə görə məhkum edilmiş Karlos Kuesta Rodriqes barəsindəki ölüm hökmü icra olunub. Tennessidə 1985-ci ildə xadiməni öldürdüyünə görə məhkum olunmuş Entoni Darrell Hayns edam edilib.

AP-nin məlumatına görə, bir gündə üç edamın həyata keçirilməsi ABŞ-də icra edilən ölüm hökmlərinin sayının artmasını əks etdirir. 2025-ci ildə ölkədə 47 nəfər edam edilib - bu, 2009-cu ildən bəri ən yüksək göstəricidir.

Oxşar xəbərlər

Prezident İlham Əliyev Əfv Sərəncamı imzalayıb

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Vətən müharibəsində Qələbənin beşinci ildönümünə həsr olunmuş Hərbi parad keçirilib

ABŞ-da bu gün üç ölüm hökmünün icrası planlaşdırılır

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub