Nepalda genişmiqyaslı daşqından sonra itkin düşənlərin sayı 1 924 nəfərə çatıb, 579 nəfər həlak olub.

"Report" xəbər verir ki, bu barədə "Reuters" agentliyi Nepalın Təbii Fəlakət Risklərinin Azaldılması və İdarə Edilməsi üzrə Milli İdarəsinə istinadən məlumat yayıb.

Hakimiyyət orqanlarının məlumatına görə, itkin düşənlər arasında 517 əcnəbi var. Daşqından zərər çəkmiş çaylar boyunca hidroenergetika obyektlərində çalışan daha 933 nəfər itkin düşmüş hesab olunur.

Sərhədin Çin tərəfində, Tibetdə 558 nəfər itkin düşmüş sayılır, daha beş nəfər isə həlak olub. İtkin düşənlər arasında 260 xarici vətəndaş var.

Daşqın avqustun 26-da Nepalın Çinlə həmsərhəd bölgəsində baş verib. Fəlakətə buzlağın çökməsi səbəb olub ki, bu da nəhəng su, daş və palçıq axınına, ardınca isə çaylarda suyun səviyyəsinin kəskin qalxmasına gətirib çıxarıb.

Xilasetmə işləri davam edir. Dağılmış yollar və körpülər səbəbindən zərərçəkmiş ərazilərə giriş çətin olaraq qalır, buna görə də insanların axtarışı və humanitar yardımın çatdırılması üçün helikopterlərdən istifadə olunur.

Oxşar xəbərlər

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

Prezident İlham Əliyev "AZWOOL" mineral daş yunu zavodunun açılışında iştirak edib

Daş Salnamə Muzeyində "Suyun sirri" pantomim tamaşası təqdim olunub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2