Sentyabrın 11-dən etibarən 2026/2027-ci tədris ili üzrə peşə təhsili müəssisələrinə boş qalan plan yerləri üçün tələbə qəbulunun III-sonuncu mərhələsinə start verilir.

Oxu.Az xəbər verir ki, bu barədə Peşə Təhsili üzrə Dövlət Agentliyi məlumat yayıb.

Bildirilib ki, bu mərhələdə ilk iki mərhələdə uğursuz nəticə göstərən və ya ümumiyyətlə daha öncə müraciət etməyən şəxslər müraciət edə bilərlər. Daha öncə hər hansı peşə təhsil müəssisəsinə qəbul olan və sənədlərini təsdiq edən şəxslər bu mərhələdə ixtisas dəyişilməsi məqsədilə müraciət edə bilməzlər.

Sentyabrın 11-dən etibarən müraciətçilər elektron qaydada portal.edu.az saytına daxil olmaqla açıq olan vakant yerlərə müraciətlərini göndərə biləcəklər. Boş qalan yerlərə sənəd qəbulu sentyabrın 14-də saat 12:00-dək davam edəcək.

Portal.edu.az saytı vasitəsilə müraciət aşağıdakı ardıcıllıqla həyata keçirilməlidir:

1. Şəxsi kabinetinə daxil olunur;
2. "Peşə təhsili müəssisələrinə elektron tələbə qəbulu" xidmətinə keçid edilir;
3. "Müraciət et" bölməsinə daxil olunur;
4. Şəxsi məlumatlar daxil edilir;
5. Əvvəlki təhsil məlumatları daxil edilir;
6. Ekranda görünən vakant yerlərdən biri seçilib müraciət edilir;
7. Təsdiq aldığı təqdirdə, sənədlər peşə təhsili müəssisəsinə təqdim edilməlidir.

Hər bir vakant yerə ilk müraciət edən şəxs şəxsi kabinetinə müsabiqədən keçməsi ilə bağlı bildiriş alacaq və həmin şəxs bildiriş aldıqdan sonra sentyabrın 14-də saat 18:00-dək sənədlərini qəbul olduğu təhsil müəssisəsinə təqdim etməlidir.

Qəbul planı-III mərhələ 2026/2027

Oxşar xəbərlər

İlham Əliyev Lənkəran Dövlət Peşə Təhsil Mərkəzinin açılışında iştirak edib

Ucuz qiymətə qızıl almaq istəyənləri SEVİNDİRƏCƏK XƏBƏR

Bankda olan mənzillər təcili satışa çıxarıldı - QİYMƏTLƏR

II və III ixtisas qrupları üzrə ali məktəblərə qəbul imtahanı keçirilib

Plan yerləri ən çox III ixtisas qrupunda dolub - STATİSTİKA