Bakının Nəsimi rayonunda metro üçün şaxta qazıntısı zamanı binalardan birinin boşaldıldığı iddia edilib.

Bu barədə yerli sakin BAKU.WS-in "qaynar xətti"nə şikayət edərək bildirib.

Onun sözlərinə görə, söhbət Süleyman Rəhimov 116 ünvanından gedir. Vətəndaş iddia edib ki, şaxta qazıntısı səbəbilə binada çatlar da yaranıb.

Məsələ ilə bağlı Bakı Metropoliteninin mətbuat xidmətinin rəhbəri Bəxtiyar Məmmədov BAKU.WS-in sorğusuna cavab olaraq bildirib ki, binanın boşaldılması ilə bağlı iddia həqiqəti əks etdirmir.

"Ərazidə Bakı metropoliteninin şaxtası inşa edilir. Geoloji xüsusiyyətlər tam öyrənilərək, ətraf bina, tikili və qurğuların, həmçinin inşaatın təhlükəsizliyi təmin edilməklə qazıntı işləri aparılır. Sakinlərin binalardan çıxarılması ilə bağlı məlumat yanlışdır. Hazırda inşaat işləri təhükəsizlik və nəzarət tədbirləri təmin edilməklə aparılır".

Banu Hüseynli

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Bakının Nəsimi rayonunda yeni körpələr evi-uşaq bağçası istifadəyə verilib

Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

İlham Əliyev Şuşanın Kiçik Qaladərəsi kəndində görülən işlərlə tanış olub və kəndə qayıdan sakinlərlə görüşüb - YENİLƏNİB

Polis Günündə də post başında – Bakının küçələrindən diqqətçəkən FOTOLAR