Sentyabrın 16-da saat 11:00-dan etibarən 2026-2027-ci tədris ili üzrə ümumi təhsil müəssisələrinin birinci sinfinə üzrlü səbəbdən gecikən uşaqlar üçün boş qalan yerlərə məktəb və müəllim seçimi mümkün olacaq.

Bu barədə BAKU.WS-ə Məktəbəqədər və Ümumi Təhsil üzrə Dövlət Agentliyindən (MÜTDA) məlumat verilir.

Agentlikdən bildirilib ki, seçim prosesi sentyabrın 30-da saat 15:00-dək davam edəcək. Bu müddət ərzində övladı üçün mektebeqebul.edu.az portalında sorğu yerləşdirən valideynlər tələb olunan sənədlərlə məktəbə müraciət edərək qəbul prosedurunu tamamlaya bilərlər.

Qeyd edilib ki, elektron qəbul yalnız üzrlü səbəbdən birinci sinfə qeydiyyatı gecikmiş və müəyyən edilmiş müddətdə elektron sistem vasitəsilə sorğu yerləşdirmiş uşaqlara şamil olunur.

Məlumata görə, 2026-2027-ci tədris ili üzrə bu günədək 124 mindən çox uşaq birinci sinfə qəbul edilib.

Oxşar xəbərlər

Qarabağda işləmək istəyənlərin NƏZƏRİNƏ! - Maaş 1250 AZN-dək

Bakıda tanınmış şirkət bahalı maşınlarını ucuz qiymətə satışa çıxardı - SİYAHI

Bağçalara qəbul prosesi davam edir: Bu il hansı dəyişikliklər tətbiq olunur?

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

Leyla Əliyeva Türkmənistanda Qayğıya ehtiyacı olan uşaqlara yardım üzrə xeyriyyə Fondunun Avaza filialının açılışında iştirak edib