Pakistanın Baş naziri Şahbaz Şərif Məkkəyə pilotsuz uçuş aparatı ilə hücum cəhdini qətiyyətlə pisləyib və Səudiyyə Ərəbistanına tam dəstəyini ifadə edib.

"Far.Az" xəbər verir ki, bu barədə Şahbaz Şərif "X" sosial şəbəkəsindəki hesabında paylaşım edib.

"Mən müqəddəs Məkkə şəhərinə pilotsuz uçuş aparatı ilə hücum cəhdini qəti şəkildə pisləyirəm. Pakistan xalqı bu yolverilməz aktdan dərindən kədərlənib və hiddətlənib", - o yazıb.

Ş.Şərif, həmçinin göstərdikləri sayıqlıq, cəsarət və peşəkarlığa görə Səudiyyə Ərəbistanı Silahlı Qüvvələrinə minnətdarlığını bildirib, xüsusilə də onların hərəkətlərinin operativliyini qeyd edib.

Baş nazir bir daha bütün tərəfləri maksimum təmkin nümayiş etdirməyə və gələcək eskalasiyaya yol verməməyə çağırıb:

"Regionumuz münaqişələrdən onsuz da çox zərər çəkib. Dialoq və diplomatiya sülhə gedən yeganə dayanıqlı yol olaraq qalır. Pakistan qardaş Səudiyyə Ərəbistanı Krallığı ilə suverenliyinin və ərazi bütövlüyünün qorunmasında çiyin-çiyinə dayanır".

Daha əvvəl Səudiyyə Ərəbistanı öz qüvvələrinin Məkkənin kənarında husilərin pilotsuz uçuş aparatını vurduğunu bəyan etmişdi. Husilər isə hədəflərinin Səudiyyə Ərəbistanının neft obyektləri və hərbi bazaları olduğunu iddia edirlər.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Müxtəlif ölkələrin rəsmiləri, qurumları və beynəlxalq təşkilatlar İranın Naxçıvana dron hücumunu pisləyib -YENİLƏNİB

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Müxtəlif ölkələrin rəsmiləri, qurumları və beynəlxalq təşkilatlar İranın Naxçıvana dron hücumunu pisləyib

Müxtəlif ölkələrin rəsmi şəxsləri, qurumlar və beynəlxalq təşkilatlar İranın Naxçıvana dron hücumunu pisləyib