Slovakiyanın Baş naziri Robert Fitso xəstəlik səbəbindən Ukraynaya planlaşdırılan səfərini ləğv edib.

"Report" xəbər verir ki, bu barədə "Tasr.sk" Ukrayna mənbələrinə istinadən məlumat yayıb.

"Slovakiya hökuməti dəftərxanasından alınan məlumata görə, Ukraynada Fitsonu Xarici İşlər və Avropa Məsələləri Nazirliyinin dövlət katibi Marek Eştok təmsil edəcək", - məlumatda bildirilib.

Ukraynaya, həmçinin Slovakiyanın biznes missiyası da yola düşüb.

Fitso Ukraynada Prezident Volodimir Zelenski, Ukraynanın yeni Baş naziri Sergey Koretski, Polşanın Baş naziri Donald Tusk və digər rəsmi şəxslərlə görüşməli idi.

Bazar gününə qədər davam edəcək "Karpat təşəbbüsü" sammiti Karpat regionunun səkkiz ölkəsinin - Avstriya, Çexiya, Macarıstan, Polşa, Rumıniya, Serbiya, Slovakiya və Ukraynanın nümayəndələrini bir araya gətirəcək. Onun məqsədi təhlükəsizlik, iqtisadiyyat və sərhədyanı əməkdaşlıq da daxil olmaqla bir sıra sahələrdə regional əməkdaşlığın dərinləşdirilməsidir.

Oxşar xəbərlər

Leyla Əliyeva və Alyona Əliyeva Müstəqillik Gününə həsr olunmuş konserti izləyiblər

Prezident İlham Əliyev Bakı Enerji Həftəsinin rəsmi açılış mərasimində iştirak edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Buxarestdə Azərbaycanın Müstəqillik Gününə həsr olunmuş tədbir keçirilib