Elmir Qarayev: "Sahibkarların qaldırdığı məsələlər Vergi Məcəlləsindəki dəyişikliklərdə nəzərə alınıb"
Sahibkarların qaldırdığı məsələlər bu il Vergi Məcəlləsində edilməsi nəzərdə tutulan dəyişikliklərdə nəzərə alınıb.
"Far.Az" xəbər verir ki, bunu İqtisadiyyat Nazirliyi yanında Dövlət Vergi Xidmətinin rəisinin müavini Elmir Qarayev Bakıda keçirilən "Dövlət-biznes əməkdaşlığı forumu"nda - "İşəgötürənlərin gözləntiləri, dövlət dəstəyi və əməkdaşlıq imkanları" adlı panel müzakirəsində bildirib.
"Sahibkarlıq assosiasiyaları ilə iş üzrə ayrıca funksional şöbəmiz fəaliyyət göstərir. Ötən il bu istiqamətdə 50-yə yaxın sahibkarlıq assosiasiyası ilə görüşlər təşkil olunub. Həmin görüşlərin əhəmiyyətli hissəsi iqtisadiyyatın ayrı-ayrı sahələrində fəaliyyət göstərən sahibkarlıq subyektlərinin mövcud problemlərinin, eləcə də qanunvericilik və inzibatçılıq sahəsindəki təkliflərinin dinlənilməsinə həsr olunub. 2027-ci ildən tətbiqi gözlənilən dəyişikliklərin bir çoxu, o cümlədən mikro və kiçik sahibkarlıq subyektləri ilə bağlı nəzərdə tutulan yeniliklər məhz həmin görüşlərdə real sahibkarların qaldırdığı məsələlər əsasında formalaşıb. Ötən il əkcə bizim birbaşa təşkil etdiyimiz deyil, digər platformalar vasitəsilə keçirilən 20-dən artıq görüşdə də Dövlət Vergi Xidmətinin nümayəndələri iştirak edib. Gələcəkdə də bu dialoqun davam etdirilməsinin birmənalı tərəfdarıyıq", - deyə o qeyd edib.
Bundan başqa, vergi rəsmisi deyib ki, kiçik qruplar formatında görüşlərin keçirilməsi də vacibdir: "Bu baxımdan, təkcə sahibkarlıq assosiasiyaları ilə deyil, maliyyə institutları ilə də kifayət qədər məhsuldar əməkdaşlığımız var. Bu əməkdaşlıq yalnız maliyyə institutlarının özləri üçün deyil, onların müştərisi olan sahibkarlıq subyektləri üçün də geniş imkanlar yaradır, xüsusilə əməliyyatların həyata keçirilməsi və inzibatçılıq sahəsində müəyyən üstünlüklər təmin edir. Növbəti illərdə də bu formatda görüşlərin və dialoqun davam etdirilməsini təmin edəcəyik".
Oxşar xəbərlər
Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub
Vətən müharibəsində Qələbənin beşinci ildönümünə həsr olunmuş Hərbi parad keçirilib
Süni intellekt sahibkara kredit təklif edir: Mikro bankçılığın gələcəyi necə dəyişir?
Prezident Davosda "Avrasiyanın iqtisadi özünəməxsusluğunun müəyyənləşdirilməsi" mövzusunda panel iclasında iştirak edib
Şəhid olmuş bir qrup hərbi qulluqçu və mülki işçi ölümündən sonra təltif olunub
Ən son xəbərləri bizim
"Facebook" səhifəmizdə izləyin
Digər xəbərlər
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Almaniyada məlumat sızıntısına görə "Deutsche Bank" barəsində araşdırma başladılıb
-
Macarıstan Xorvatiya vasitəsilə neft tədarükünə dair danışıqlara başlayıb
-
General Natiq Əliyevin qızı ilə bağlı qərar verildi
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu
-
Böyük Britaniya Ukraynaya mindən çox uzaqmənzilli dron verəcək













