İranda edama məhkum olunmuş altı siyasi məhbus qərarın ləğvinə qarşı çıxmaq üçün müraciət edib.

“Far.Az” xəbər verir ki, məlumatı “ir.voanews.com” yazıb.

Məlumata görə, hakim İman Əfşari altı siyasi məhbus - Əkbər Daneşvarkar, Məhəmməd Taqvisandehi, Babək Əlipur, Puya Qubadi, Vaid Bəni Əmirian və Əbülhəsən Müntəzir barəsində ölüm hökmü çıxarıb. Onlar “dövlətə xəyanətdə” ittiham olunublar. Bildirilib ki, daha iki siyasi məhbus müxtəlif müddətə azadlıqdan məhrum edilib. Edam hökmü çıxarılan məhbuslar həbs olunduqları gündən hakimiyyətin onların hüquqlarını pozduğunu, işgəncəyə məruz qaldıqlarını bildiriblər. Məhkumlar qeyd ediblər ki, həbs edilən zaman onlarla qəddarcasına davranıblar: “İşgəncələr, qəddar davranış isə sənədləşdirilməyib”.

Məhbuslar müraciətdə “İranın məzlum xalqından” bütün siyasi və qeyri-siyasi məhbuslar barəsində çıxarılan edam hökmlərinə qarşı çıxmağı istəyiblər.

Müraciətə Tehrandakı Evin adlı həbsxanadan 40-dan çox siyasi məhbus da qoşulub.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

İranda azı altı məhbus barəsində edam hökmü icra olunub

Müstəmləkəçi Norveç - “Etalon” dövlət yerli xalqların hüquqlarını necə pozur - ŞƏRH

ABŞ tarixində ikinci dəfə Alabamada azotla edam həyata keçirilib