Xətai Rayon Məhkəməsində dələduzluqda təqsirləndirilən Uğur Rəfizadənin (ad və soyadı şərtidir) cinayət işi üzrə məhkəmə istintaqı yekunlaşıb.

BAKU.WS Pravda.az-a istinadla xəbər verir ki, hakim Sülhanə Hacıyevanın sədrliyi ilə keçirilən prosesdə hökm oxunub.

Məhkəmənin hökmü ilə Uğur Rəfizadə 2 il müddətinə azadlıqdan məhrum edilib.

İttihama görə, Uğur Rəfizadə Bakı şəhəri, Xətai rayonu, Xocalı prospektində yerləşən birotaqlı, tam təmirli mənzili kirayə götürmək adı ilə 2023-cü il iyulun 3-də zərərçəkmiş Təhminə Sədərovanın (ad və soyadı şərtidir) əri ilə müqavilə bağlayıb. Sonra o, bir müddət mənzildə yaşayıb və 2023-cü il dekabr ayından 2024-cü ilin fevralın 17-dək olan müddət ərzində mənzildən ümumilikdə 33 320 manat dəyərində əşyaları ələ keçirib, istintaqla müəyyən edilməyən şəxslərə satıb.

Hadisədən sonra Uğur Rəfizadə saxlanılaraq cinayət məsuliyyətinə cəlb edilib.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

MAXE-dən dəhşətli hərəkət: dörd qadını yatağa saldı, pullarını aldı, onları videoya çəkdi – TƏFƏRRÜAT

Ağır cinayətlərdə təqsirləndirilən erməniəsilli şəxslərin məhkəməsi davam etdirilib - YENİLƏNİB

Dörd qadını yatağa saldı, pullarını aldı, onları videoya çəkdi