Maliyyə Nazirliyi 2025-ci ilin aprel ayından başlayaraq dövlət büdcəsinin vəsaitlərini əsasən sistem əhəmiyyətli yerli banklara aşağı faizlə depozit kimi yerləşdirir.

Təkcə iyulun 11-də keçirilən hərraclarda banklara 7,25 ortaçəkili faiz dərəcəsi ilə 850 milyon manat vəsait qoyulub.

Maraqlıdır ki, nazirlik prosesə başlayan dövrdə ekspertlərin əksəriyyəti büdcə vəsaitlərinin banklara yerləşdirilməsinin kredit faizlərini azaldacağını bildirirdilər.

Bəs reallıqda vəziyyət necə dəyişib? Ucuz vəsaitlər müqabilində faizlər azalıb?

İqtisadçı Xalid Kərimli bildirib ki, Maliyyə Nazirliyinin yerləşdirdiyi depozitlərin kredit faizlərinə əhəmiyyətli təsiri müşahidə edilmir. Ekspert bankların kreditlərin faizlərinin azalmamasını Maliyyə Nazirliyinin depozitlərinin qısamüddətli olması ilə izah edib.

Bununla belə, bankların cəlb etdikləri vəsaitlərin faizi azalıb. Mərkəzi Bankın məlumatına görə, 2025-ci ilin başlanğıcında banklar yeni vəsaitləri 8,3 faizlə cəlb etmişdilərsə, iyunda bu göstərici 1,4 faiz bəndi azalaraq 6,9 faizə enib.

Ətraflı Baku TV-nin süjetində:

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycanda büdcə qaydası dəyişir

Problemli kreditlərdən necə xilas ola bilərik?

Depozit faizləri kəskin artıb, qorunan faizlər dəyişəcəkmi?