Fransanın paytaxtı Paris yaxınlığında Luvr Muzeyindən 88 milyon avro dəyərində zinət əşyalarının oğurlanması ilə bağlı bir nəfər həbs edilib.

Far.Az xarici mediaya istinadən xəbər verir ki, 39 yaşlı Abdoulaye N. adlı bu şəxs sosial şəbəkələrdə "Doudou Cross Bitume" adı ilə tanınan fenomen və keçmiş mühafizəçidir.

Onun DNT izləri hadisə yerində tapılıb və "təşkilatlanmış oğurluq"da iştirak etdiyi bildirilir. Araşdırmalara görə, oğurluğu dörd nəfərlik qrup həyata keçirib və əməliyyat cəmi yeddi dəqiqə çəkib.

Oğurlananlar arasında Napoleonun həyat yoldaşlarına məxsus dəyərli boyunbağı və tac da var.

Qeyd edək ki, Abdoulaye N.-nin 15 cinayət üzrə keçmişi olduğu, əvvəllər Pompidu Mərkəzində təhlükəsizlik işçisi kimi çalışdığı açıqlanıb.

Hazırda istintaq davam edir, oğurlanan zinət əşyaları isə hələ tapılmayıb.

Oxşar xəbərlər

"Luvr"dan 8 dəqiqəyə oğurlanan 10 milyonluq zinət əşyaları tapılacaq?

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycanlı müğənninin oğlunun əsərləri "Luvr" muzeyində sərgiləndi

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Luvr muzeyindəki oğurluğa görə daha 5 nəfər saxlanıldı - Qızıllar isə ortada yoxdur